Busturialdea-Urdaibain ez dugu tokiko fruta-ekoizpen ekologiko egonkorrik, eskualdeko eskola-jantokiak hornitu ahal izateko.
Behar horri erantzuteko, Fruituola jarri dugu martxan. Proiektu pilotu honen helburua fruta ekologikoa, hurbila eta kalitatezkoa ekoiztea da, eskola-kontsumorako bereziki pentsatua.
Lehen fase honetan, bi sagar mota (Topaz eta Elstar) landatu dira hiru lursailetan, bakoitza 2.000 m²-koa.
- Horietako bi partikularrek kudeatzen dituzte.
- Hirugarrena, Bizkaiko Foru Aldundiaren Nekazaritza Lurren Funtsak Urremendi Landa Garapenerako Elkarteari lagatako lurretan, lankidetza-formatuan.
Aukeratutako sistemak laborantza intentsiboa, eraginkorra eta eskulanaren premia txikiagoa duena ahalbidetzen du. Prozesu osoan Aitor Etxeandia adituaren laguntza teknikoa izango da.
Honez gain:
- HAZIrekin lankidetzan, frutagintza ekologikoari buruzko 4 prestakuntza programatu dira (2025-2026).
- Dagoeneko jantoki batzuek interesa dute fruta hori menuetan sartzeko (gehiago bilatzen ari dira), hala nola Allende Salazar ikastetxean.
- Elkarlaneko lursailean ate irekien jardunaldi bat egin da, sagarra elkarrekin ekoizteko interesa duten pertsona gehiago gonbidatzeko. Proiektua zabalik dago ekoizle berriak sar daitezen.
Beharrezkoa izango da laboreen plangintzaz eta eskola-jantokiekin koordinazioaz arduratuko den pertsona bat izatea, ekoizpena eta eskaria modu profesionalean konektatuko dituena.