- Bisitariek ukipen-pantaila baten bidez kontsulta dezakete Urdaibaiko eskualdeko turismo-informazio guztia eguneko 24 orduetan, asteko 7 egunetan. Lau hizkuntzatan daude, eta erabiltzen dituzten pertsonen profilen gaineko kontrol estatistikoak egiteko aukera ematen dute.
- Gogoan izan behar da Gernika-Lumoko Batzar-Etxearen inguruan kokatutako turismo-kudeatzaileak 1.200 kontsulta baino gehiago izan zituela iazko uztailean eta abuztuan. Gaztelugatxe eta Elantxobekoak, berriz, aurten estreinatzen dira.
Urdaibain bisitari guztiek aurkitzen dute beren plan ideala. Eta orain are errazagoa izango da, udarako Gernika-Lumon, Gaztelugatxeko Donienen eta Elantxoben martxan dauden hiru turismo-kudeatzaileei esker.
Euskadira datozenean, Urdaibai jomugarik erakargarrienetako bat da turistentzat, bisita gehien jasotzen dituen eremuetako bat da. Horregatik, ukipen-pantaila horien bidez, bisitariek erraz eta era intuitiboan ezagutu ahal dezakete turismo-baliabideei eta Urdaibairi buruzko informazio zehatza, eta zerbitzuei buruzko argibideak kontsulta ditzazkete, hala nola ostatuak, jatetxeak, garraiobideak… Horrez gain, beren inguruan dauden jarduerei buruzko informazioa ere eskaintzen dute, hala nola bisita gidatuak, museoak, mendi-ibilaldiak, uretako jarduerak, kulturalak, gastronomikoak… eta, nola ez, beren balio natural, historiko eta kulturalagatik interesgarrienak diren tokiei buruzko informazioa.
Hiru pantaila interaktiboek Urdaibairi buruzko informazio turistiko guztia lau hizkuntzatan eskaintzen dute, eta erabilerari buruzko kontrol estatistikoak egiteko aukera ematen dute. Gainera, eduki berriekin eguneratu daiteke automatikoki. Halaber, informazio guztia hainbat formatutan deskargatzeko aukera ematen dute, QR kodeen bidez.
Gogoan izan behar da Gernikako Batzar-Etxearen inguruan kokatutako turismo-kudeatzaileak 1.200 kontsulta baino gehiago izan zituela iazko uztailean eta abuztuan. Gaztelugatxekoa eta Elantxobekoa, berriz, lehen aldiz daude martxan. “Bi pantaila berri hauekin, beste urrats bat ematen dugu informazio turistikoa eskaintzeko dugun azpiegitura guztia digitalizatzeko. Gaztelugatxe urte osoan zehar turista gehien biltzen den guneetako bat dugu, eta kasuistika horretaz baliatu nahi dugu bisitari-fluxu hori eskualdeko beste interesgune batzuetara bideratzeko. Elantxobeko pantailaren kasuan, estuarioaren eskuinaldean horrelako beste informazio-gune bat izatea beharrezkoa ikusten genuen”, adierazi du Aitziber Ansotegik, eskualdean turismoa kudeatzen duen Urremendi Landa Garapen Elkarteko gerenteak.
Gaztelugatxeko turismo-kudeatzailea udan bakarrik irekitzen den turismo-informazioko puntuaren ondoan kokatzen da. Elantxobekoa, berriz, Bidekalean dago, busaren plataforma birakariaren ondoan.
Ansotegik gogorarazi du hiru pantaila horien azken helburua bisitatzen gaituzten pertsonei tresna erakargarri eta erabilgarri bat eskaintzea dela, beren neurrira egindako planak antolatzeko eta Urdaibaiz gozatzeko behar duten informazio guztia izan dezaten. Baina, aldi berean, bisitariaren profilari buruzko datu garrantzitsuak biltzeko gai dira, bisitari hauek hobeto ezagutzeko eta turismo-eskaintza hauen interes eta beharrizanetara egokitzeko.
Gogoratu behar da Urdaibai Biosfera Erreserbak 2021eko uztailean jaso zuela turismo-helmuga jasangarriaren Euskadiko lehen ziurtagiria. Ziurtagiri hau ekoturismoaren printzipioetan oinarritutako turismoa garatzeko ibilbide-orri bat da, ingurumenarekiko, gizartearekiko eta ekonomiarekiko errespetuan oinarritua. Instalatutako hiru pantailetako bakoitzean ere islatzen dira balio horiek.
